தூத்துக்குடி மாவட்ட போலீஸ் சூப்பிரண்டு அலுவலகத்தில் நேற்று காலையில், மாவட்ட காவல்துறையின் பயன்பாட்டில் உள்ள 160 மோட்டார் சைக்கிள்கள், 126 கார், வேன் மற்றும் கனரக வாகனங்கள் முறையாக பராமரிக்கப்பட்டு வருகிறதா? என ஆய்வு மேற்கொள்ளப்பட்டது.

மாவட்ட போலீஸ் சூப்பிரண்டு அருண் பாலகோபாலன் இந்த ஆய்வுகளை மேற்கொண்டார். அவர், பழுதடைந்த வாகனங்களை பழுது நீக்கம் செய்வதற்கான ஏற்பாடுகள் குறித்து ஆயுதப்படை மோட்டார் வாகன பிரிவு அதிகாரிகளுக்கு ஆலோசனை வழங்கினார்.