நிகழ்ச்சியில் உதவி கலெக்டர் (பயிற்சி) அனு, மீன்வளத்துறை இணை இயக்குனர் சந்திரா, உதவி இயக்குனர் பாலசரசுவதி, தூத்துக்குடி மாநகராட்சி செயற்பொறியாளர் ரூபன் சுரேஷ் பொன்னையா, உதவி செயற்பொறியாளர் சரவணன், உதவி ஆணையாளர் பிரின்ஸ், மாவட்ட கலெக்டரின் மனைவி அத்யாஷா நந்தூரி உள்பட பலர் கலந்து கொண்டனர்.

பின்னர் சந்தீப் நந்தூரி நிருபர்களிடம் கூறியதாவது:-

தூத்துக்குடி மாவட்டத்தில் நாடாளுமன்ற தேர்தலுக்கான அனைத்து ஏற்பாடுகளும் சிறப்பாக செய்யப்பட்டு வருகிறது. பல்வேறு கண்காணிப்பு குழுக்கள் நியமிக்கப்பட்டு 24 மணி நேரமும் தேர்தல் நடத்தை விதிமுறைகளை மீறுபவர்கள் மீது நடவடிக்கை எடுக்கப்பட்டு வருகிறது. அனைவரும் வாக்களிக்கும் வகையில் வாக்காளர் விழிப்புணர்வு நிகழ்ச்சிகள் அனைத்து பகுதிகளிலும் நடத்தப்பட்டு வருகிறது.

மாற்றுத்திறனாளிகள் அனைவரும் வாக்களிக்க வேண்டும் என்ற அடிப்படையில் விழிப்புணர்வு பணிகள் மேற்கொள்ளப்பட்டு வருகிறது. இதுபோன்று வாக்காளர் விழிப்புணர்வு நிகழ்ச்சிகள் வாக்குப்பதிவு முன்தினம் வரை தொடர்ந்து நடைபெறும். இதுவரை முறையான ஆவணங்கள் இல்லாமல் கொண்டு வரப்பட்ட ரூ.27 லட்சம் பறிமுதல் செய்யப்பட்டு உள்ளன. வாக்குப்பதிவு எந்திரம் மற்றும் வாக்காளர் ஒப்புகை சீட்டு எந்திரம் குறித்து இரண்டு லட்சத்துக்கு அதிகமான நபர்களுக்கு விழிப்புணர்வு ஏற்படுத்தப்பட்டு உள்ளது. தூத்துக்குடி மாவட்டத்தில் வாக்காளர்கள் அனைவரும் 100 சதவீதம் வாக்களிக்க வேண்டும்.

இவ்வாறு அவர் கூறினார்.