அதில் 2015 மற்றும் 2016-ம் ஆண்டுகளில் இந்தியா வந்த இருவரும், தங்களது பாஸ்போர்ட்டைதொலைத்துவிட்டதால் இலங்கை செல்ல முடியாமல் ஆவடி உள்பட சென்னையின் பல்வேறு இடங்களில் சுற்றித்திரிந்தது தெரிந்தது.

ஆனால் இவர்கள் மீது சென்னை மற்றும் புறநகர் பகுதிகளில் எவ்வித குற்ற வழக்குகளும் இல்லை என்பது தெரியவந்தது. மேலும் இருவருடைய முகவரியை வைத்து இலங்கையில் உள்ள அதிகாரிகளிடம் விசாரித்தனர். அதில் இவர்கள் இருவரும் கூறி அனைத்தும் உண்மை என தெரிந்தது.

இதையடுத்து இலங்கை தூதரக அதிகாரிகள், அவர்கள் இருவரையும் இலங்கைக்கு அனுப்பி வைப்பதற்கான நடவடிக்கைகளை எடுத்து வருகின்றனர்.

* தேனாம்பேட்டையில், சாலையில் நடந்து சென்ற கேதார்நாத் என்ற நபரை தாக்கி செல்போனை பறித்த வழக்கில், திருவல்லிக்கேணியை சேர்ந்த முனீர்பாட்ஷா, ரியாஸ் பாட்ஷா ஆகிய 2 பேர் கைது செய்யப்பட்டனர்.

* தொடர் குற்ற செயல்களில் ஈடுபட்டு வந்த 18 பேரை குண்டர் தடுப்பு சட்டத்தின் கீழ் ஓராண்டு சிறையில் அடைக்க போலீஸ் கமிஷனர் ஏ.கே.விஸ்வநாதன் உத்தரவிட்டுள்ளார்.

*நீலாங்கரை அருகே கானத்தூர் கிழக்கு கடற்கரை சாலையோரம் நிறுத்தி இருந்த லாரி மீது மோட்டார் சைக்கிள் மோதிய விபத்தில் நந்தம்பாக்கத்தை சேர்ந்த விக்னேஷ் என்பவருடன் சென்ற அவரது உறவினர் பெண்ணான சரஸ்வதி(28) நிலைதடுமாறி கீழே விழுந்து பலியானார்.

*பெருங்களத்தூர் ஜி.எஸ்.டி. சாலையில் அதிவேகமாக வந்த அடையாளம் தெரியாத வாகனம் ஒன்று சாலையோரம் தூங்கிக்கொண்டிருந்த 45 வயது மதிக்கத்தக்க ஆண் ஒருவர் மீது மோதியது. இதில் அவர் அதே இடத்தில் உயிரிழந்தார். அவர் யார்?, எந்த ஊர்? என போலீசார் விசாரித்து வருகின்றனர்.