இந்த நிலையில், நேற்று கும்மிடிப்பூண்டி பஜாரில் முனுசாமி மற்றும் அவரது நண்பர்கள் என 4 பேர் சேர்ந்து கொண்டு ராஜேசை வழிமறித்து கத்தியால் குத்தியதாக கூறப்படுகிறது. அப்போது அந்த வழியாக ரோந்து வந்த போலீஸ்காரர் ரஞ்சித் (26) என்பவர் இந்த சம்பவத்தை தடுக்க முயன்றார். அவரையும் கத்தியால் குத்திய அந்த கும்பலை பொதுமக்கள் அங்கு திரண்டதால் அங்கிருந்து தப்பி ஓடிவிட்டனர்.

இதில் காயம் அடைந்த இருவரும் கும்மிடிப்பூண்டி அரசு ஆஸ்பத்திரியில் சிகிச்சை பெற்று வீடு திரும்பினர்.

கும்மிடிப்பூண்டி பஜாரில் பட்டப்பகலில் ஆள்நடமாட்டம் நிறைந்த நேரத்தில் நடந்த இந்த கொலை முயற்சி சம்பவம் அந்த பகுதியில் பெரும்பரபரப்பை ஏற்படுத்தி உள்ளது.

இது குறித்து இன்ஸ்பெக்டர் சக்திவேல் தலைமையில் கும்மிடிப்பூண்டி போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவத்தில் ஈடுபட்ட முனுசாமி உள்பட 4 பேர் கொண்ட கும்பலை பிடிப்பதற்காக சப்-இன்ஸ்பெக்டர் சந்திரசேகர் தலைமையில் தனிப்படை அமைக்கப்பட்டுள்ளது.