கர்நாடக முன்னாள் முதல்மந்திரி கெங்கல் அனுமந்தய்யாவின் பிறந்தநாளையொட்டி நேற்று பெங்களூரு விதானசவுதாவில் உள்ள, அவரது உருவப்படத்திற்கு முதல்மந்திரி சித்தராமையா மலர் தூவி மரியாதை செலுத்தினார். பின்னர் அவர் நிருபர்களிடம் கூறியதாவது:

காங்கிரஸ் கட்சி ஒரு போதும் ஜாதி மற்றும் மதத்தின் மூலமாக அரசியல் செய்ததில்லை. ஆனால் பா.ஜனதாவினர் ஜாதி, மத அரசியலில் ஈடுபட்டு வருகிறார்கள். மக்களிடையே மதவாதத்தை தூண்டிவிட்டு அரசியல் செய்கிறார்கள். ஜாதிகளுடைய பிரச்சினை ஏற்படுத்தி தீ மூட்டும் வேலையில் பா.ஜனதாவினர் ஈடுபடுகின்றனர். ஜாதி, மதபிரச்சினையை தூண்டிவிட்டு ஆட்சி அதிகாரத்திற்கு வந்து விடலாம் என்று நினைக்கின்றனர். அவர்களது கனவு ஒரு போதும் பலிக்காது.