அடுத்து பிரியங்கா காந்தி மீரட் நகருக்கு செல்ல முயன்றார். ஆனால் நகர எல்லையிலேயே அவரை போலீசார் தடுத்து நிறுத்தினர். 144 தடை உத்தரவு போட்டிருப்பதாகவும், அதனால் நகருக்குள் செல்ல முடியாது என்றும் கூறினர். தடை உத்தரவுக்கான நகலையும் அவரிடம் போலீசார் காட்டினார்கள்.

இதனால் காங்கிரசார் அவர் சந்திக்க இருந்தவர்களை மீரட் நகர எல்லைக்கு வெளியே ஒரு இடத்தில் ஒன்றுகூடச் செய்தனர். அங்கு சென்ற பிரியங்கா காந்தி அவர்களை சந்தித்து நடந்த சம்பவம் பற்றி கேட்டு, ஆறுதல் கூறினார். உங்கள் நோக்கத்தை ஆதரிக்கும் வகையில் நாட்டில் குடியுரிமை திருத்த சட்டத்தை அமல்படுத்த காங்கிரஸ் ஒருபோதும் அனுமதிக்காது என்றும் அவர்களிடம் உறுதி அளித்தார்.