நாடு முழுவதும் ஆட்கொல்லி கொரோனா வைரஸ் வேகமாக பரவி வருகிறது. இந்தியாவில் கடந்த 24 மணி நேரத்தில் கொரோனா பாதிப்பால் 37,379 பேர் பாதிக்கப்பட்டனர். இதனால் நாடு முழுவதும் கொரோனா பாதிப்பு 3,49,60,261 ஆக உயர்ந்துள்ளது.

இந்நிலையில் கொரோனா தாக்கம் சத்தீஸ்கர் மாநிலத்தில் மெல்ல மெல்ல அதிகரித்து வருகிறது. கொரோனா பரவல் விகிதம் 4 சதவீதத்துக்கும் அதிகமாக உள்ள மாவட்டங்களில் இரவு 10 மணி முதல் காலை 6 மணி வரை இரவு நேர ஊரடங்கு அமல்படுத்தப்பட்டுள்ளது. அங்கு அத்தியாவசிய தேவைகளை தவிர பிற சேவைகளுக்கு அனுமதி கிடையாது. அனைத்து பள்ளிகள், அங்கன்வாடி மையங்கள், நூலகங்கள், நீச்சல் குளங்கள், மால்கள், திரையரங்குகள், திருமண அரண்மனைகள், ஹோட்டல்கள், உணவகங்கள், அரங்கங்கள் இயங்க அனுமதியில்லை.