இந்த வழக்கு மீதான விசாரணை கடந்த ஆண்டு ஜனவரி 25-ந் தேதி சுப்ரீம் கோர்ட்டில் நடந்தபோது பொருளாதாரத்தில் பின்தங்கிய பொதுப்பிரிவினருக்கு 10 சதவீத இட ஒதுக்கீடு அளிக்கும் மத்திய அரசின் முடிவுக்கு எதிராக தடை விதிக்க நீதிபதிகள் மறுத்து விட்டனர். மேலும் இந்த மனுக்கள் மீது பதில் அளிக்கவும் மத்திய அரசுக்கு உத்தரவு பிறப்பித்தனர். தொடர்ந்து இந்த வழக்கின் மீதான விசாரணை சுப்ரீம் கோர்ட்டில் நடைபெற்று வந்தது.

இந்த வழக்கில் அனைத்து தரப்பு வாதங்களும் முடிவடைந்த நிலையில் கடந்த ஆண்டு ஜூலை 31-ந் தேதி தீர்ப்பு தேதி குறிப்பிடாமல் ஒத்திவைக்கப்பட்டது.

இந்தநிலையில் இந்த வழக்கு நேற்று தலைமை நீதிபதி எஸ்.ஏ.போப்டே, நீதிபதிகள் ஆர்.சுபாஷ் ரெட்டி, பி.ஆர்.கவாய் ஆகியோர் அடங்கிய காணொலி அமர்வில் விசாரணைக்கு வந்தது.

அப்போது இந்த வழக்கை 5 நீதிபதிகள் அடங்கிய அரசியல் சாசன அமர்வுக்கு மாற்றி நீதிபதிகள் உத்தரவிட்டனர்.