அமெரிக்க குடியுரிமை மற்றும் குடிவரவு சேவைகள் (யு.எஸ்.சி.ஐ.எஸ்) அமெரிக்க தொழில்நுட்ப நிறுவனங்களுக்கு எச் -1 பி விசாக்களின் விண்ணப்பத்தை மாற்றுவதற்காக மொத்தம் 350 மில்லியன் டாலர்களை (இந்திய மதிப்பில் ரூ.2496 கோடி) சட்டவிரோதமாக வசூலித்ததாக குற்றம் சாட்டி அமெரிக்க நீதிமன்றத்தில் வழக்குத் தாக்கல் செய்யப்பட்டுள்ளது.

ஐ.டி.சர்வ் வி அலையன்ஸ், ஐடெக் யு.எஸ், ஸ்மார்ட் ஒர்க்ஸ் மற்றும் சாக்சன் குளோபல் ஆகிய நிறுவனங்கள், யு.எஸ்.சி.ஐ.எஸ் தொடர்ந்து இந்த கட்டணத்தை வசூலிப்பதை நீதிமன்றம் நிறுத்த வேண்டும் என்றும் கடந்த ஆறு ஆண்டுகளாக வசூலித்த கட்டணங்கள் அனைத்தையும் திருப்பித் தர வேண்டும் என்றும் கோரியுள்ளனர்.