மத்திய சுகாதாரத்துறை மந்திரி ஜே.பி.நட்டா நேற்று பாராளுமன்றத்தில் உறுப்பினர்களின் கேள்விகளுக்கு பதிலளித்து பேசினார். அப்போது அவர், நாடு முழுவதும் தனியார் மருத்துவமனைகள் மற்றும் சுகாதார நிறுவனங்களில் பணியாற்றும் நர்சுகளுக்கு சிறந்த ஊதியம் கிடைக்க நடவடிக்கை எடுக்குமாறு மாநில முதல்-மந்திரிகளுக்கு பல்வேறு அறிவுரைகள் வழங்கப்பட்டு இருப்பதாக குறிப்பிட்டார்.

இது குறித்து அவர் மேலும் கூறுகையில், தனியார் நிறுவனங்களை இனியும் ஒழுங்குபடுத்தாமல் இருக்க முடியாது. இந்த துறையை ஒழுங்குபடுத்துவதற்காக தேவைப்பட்டால் மாநில அரசுகள் சட்டமும் இயற்ற வேண்டும் என்று தெரிவித்தார்.