ரிட் மனுதாரர்கள் தரப்பில் ஆஜரான மூத்த வழக்கறிஞர் பி.வில்சன், மத்திய அரசின் கையகப்படுத்தும் சட்டத்தின்படி தனியார் நிறுவனங்களுக்கு நியாமான இழப்பீடு, மறுவாழ்வு, வெளிப்படைத்தன்மை, மறு குடியமர்வு உள்ளிட்டவை தமிழ்நாடு அரசின் நில கையகப்படுத்துதல் சட்டத்தில் இல்லை எனவும், குடியரசுத் தலைவர் ஒப்புதல் அளித்த திட்டத்திற்கு எதிராகவும் வழக்கு தொடர முடியும் எனவும் வாதிட்டார்.

இருதரப்பு வாதத்தையும் பதிவு செய்து கொண்ட நீதிபதிகள், வழக்கின் திர்ப்பை தேதி குறிப்பிடாமல் ஒத்தி வைத்திருந்த நிலையில், இன்றைய தினம் இந்த வழக்கில் தீர்ப்பு வழங்கியுள்ளனர். அதன்படி தமிழக அரசின் நில கையகப்படுத்துதல் சட்டத்துக்கு எதிரான ரிட் மனுக்களை தள்ளுபடி செய்து உத்தரவிட்டுள்ளனர். மேலும் தமிழக அரசின் நில கையகப்படுத்துதல் சட்டத்துக்கு எதிராக மனுதாரர்கள் அளித்த வாதத்தை ஏற்க முடியாது என்றும் நீதிபதிகள் தங்கள் தீர்ப்பில் தெரிவித்துள்ளனர்.