இந்த சுற்றறிக்கையை முன்னாள் மத்திய மந்திரியும் காங்கிரஸ் எம்.பி.யுமான சசி தரூர் தனது டுவிட்டர் பக்கத்தில் பகிர்ந்தார். இது மிகவும் மோசமானது என கண்டித்த அவர், ஜனநாயக இந்தியாவில் ஒரு அரசு நிறுவனம், தனது நர்சுகளை தங்கள் தாய்மொழியில் பேசக்கூடாது என்று சொல்வது சரியல்ல, இது ஏற்க முடியாதது. அடிப்படை மனித உரிமை மீறல் என கூறி இருந்தார்.

காங்கிரஸ் கட்சியின் முன்னாள் தலைவர் ராகுல் காந்தியும், அந்த ஆஸ்பத்திரியின் உத்தரவுக்கு கண்டனம் தெரிவித்து டுவிட்டரில் கருத்து வெளியிட்டார்.

அதில் அவர், மலையாளம் பிற இந்திய மொழிகளைப்போல ஒரு மொழிதான். மொழி பாகுபாட்டை நிறுத்துங்கள் என கண்டித்ததுடன், இது தொடர்பான பத்திரிகை செய்தியையும் தன் டுவிட்டர் பக்கத்தில் பகிர்ந்தார்.

இப்படி எதிர்ப்புகள் கிளம்பியதைத் தொடர்ந்து அந்த உத்தரவை வாபஸ் பெறும்படி ஆஸ்பத்திரி நிர்வாகத்துக்கு டெல்லி சுகாதார மந்திரி சத்யேந்திர குமார் ஜெயின் உத்தரவிட்டார். அதைத்தொடர்ந்து, நர்சுகள் மலையாளத்தில் பேச விதித்த தடையை அந்த ஆஸ்பத்திரி நிர்வாகம் திரும்பப்பெற்று விட்டது.

இந்த விவகாரத்தில் டெல்லியின் கெஜ்ரிவால் அரசை பா.ஜ.க. சாடி உள்ளது.

இது குறித்து பா.ஜ.க. செய்தி தொடர்பாளர் டாம் வடக்கண் கருத்து தெரிவிக்கையில், இந்த உத்தரவை அவசரமாக திரும்பப்பெறுவது, இந்திய அரசியல் சாசனமும், அதன் அங்கீகரிக்கப்பட்ட மொழியும் ஒரு பொருட்டல்ல என்று காட்டுகிற ஒரு அராஜக மாநில அரசை நாம் பெற்றிருக்கிறோம் என்பதை காட்டுகிறது. இந்த அரசுக்கு ஆக்சிஜன் தேவைப்பட்டபோது கேரளாவுக்கு கோரிக்கை விடுக்கப்பட்டது. ஆனால் இப்போது மலையாளத்தில் பேசும் உரிமையை பறிப்பதற்கான முயற்சியில் ஈடுபட்டிருக்கிறது என சாடினார்.