புல்வாமா தாக்குதலுக்கு காரணமான ஜெய்ஷ் இ முகம்மது இயக்கத்தை சேர்ந்த பயங்கரவாதிகள் 3 பேரை ஸ்ரீநகரில் போலீசார் கைது செய்தனர். ஸ்ரீநகர் - பரமுல்லா சாலையில், காரில் சென்று கொண்டிருந்த பயங்கரவாதிகளை போலீசார் மடக்கி பிடித்து கைது செய்தனர்.

கைது செய்யப்பட்ட பயங்கரவாதிகளிடம் இருந்து வெடிபொருட்கள் உள்ளிட்ட ஆயுதங்கள் பறிமுதல் செய்யப்பட்டன. மூன்று பயங்கரவாதிகளும் அடையாளம் காணப்பட்டுள்ளனர். பயங்கரவாதிகளிடம் போலீசார் விசாரணை மேற்கொண்டுள்ளனர்.