அவரது தலைமையின் கீழ் 6 உறுப்பினர்களைக் கொண்ட நிதிக்கொள்கை கமிட்டி வட்டி விகிதங்களை நிர்ணயித்தது. 6 உறுப்பினர்களில் சக்தி கந்ததாஸ் உள்பட 4 பேர் வட்டி விகிதத்தை 0.25 சதவீதம் குறைக்க வாக்களித்தனர். எனவே குறுகிய கால கடன் வட்டி விகிதங்களை 0.25 சதவீதம் குறைக்கப்பட்டது. எனவே ரெப்போ ரேட் 6.25 சதவீதமாக குறைந்து இருக்கிறது. அதற்கேற்ப ரிவர்ஸ் ரெப்போ ரேட்டும் 6 சதவீதமாக குறைந்துள்ளது.

ரிசர்வ் வங்கியின் அடுத்த ஆய்வுக்கூட்டம் ஏப்ரல் 2-ந் தேதி தொடங்கி தொடர்ந்து மூன்று தினங்கள் நடைபெறும். வட்டி விகிதங்கள் பற்றிய அறிவிப்பு அம்மாதம் 4-ந் தேதி (வியாழக்கிழமை) வெளிவரும். பொதுத்தேர்தலுக்கு முன் இறுதியாக எடுக்கப்படும் கொள்கை முடிவு என்பதால் அப்போது வங்கி வட்டி விகிதங்கள் மேலும் குறைக்கப் பட வாய்ப்பு இருப்பதாக நிபுணர்கள் கருதுகின்றனர்.