கடலூர் மாவட்டத்தை சேர்ந்தவர் சக்திவேல். இவர் டிக்டாக்கில் ஒரு பதிவை வெளியிட்டார். இதையடுத்து அவர் மீது கடலூர் மாவட்டம், ராமநத்தம் போலீசார் எஸ்.சி., எஸ்.டி. வன்கொடுமைச் சட்டத்தின் கீழ் வழக்குப்பதிவு செய்தனர். இந்த வழக்கில் சரணடைந்த அதே நாளில் தன்னுடைய ஜாமீன் மனுவை விசாரணைக்கு எடுத்து தகுந்த உத்தரவை பிறப்பிக்க கடலூர் மாவட்ட செசன்சு கோர்ட்டுக்கு உத்தரவிட வேண்டும் என்று சென்னை ஐகோர்ட்டில் சக்திவேல் மனு தாக்கல் செய்தார்.

இந்த மனுவை நீதிபதி எம்.கோவிந்தராஜ் விசாரித்தார். அரசு தரப்பில் ஆஜரான குற்றவியல் வக்கீல் டி.சண்முகராஜேஸ்வரன், புகார்தாரருக்கு நோட்டீஸ் கொடுக்காமல், ஜாமீன் மனுவை விசாரிக்க சட்டத்தில் வழியில்லை என்று வாதிட்டார்.