புதுக்கோட்டை காமராஜபுரத்தை சேர்ந்தவர் விஜயகுமார் (வயது 42). இவர் புதுக்கோட்டையில் சாக்லெட் கடை நடத்தி வந்தார். ஆலங்குடி அருகே கே.வி. கோட்டையில் உள்ள இவரது நண்பரின் பாட்டியின் இறுதி சடங்கில் கலந்து கொண்டு நேற்று முன்தினம் திரும்பி வந்து கொண்டிருந்தார். அப்போது அரசடிபட்டி கே.வி.கோட்டை அருகே வந்த போது, புதுக்கோட்டை கீழ 2-ம் வீதியை சேர்ந்த அப்துல் மன்னன் (45) என்பவர் மோட்டார் சைக்கிளில் சென்று கொண்டிந்த போது திடீரென்று மோட்டார் சைக்கிளை நிறுத்தி உள்ளார்.

இதையடுத்து பின்னால் வந்த விஜயகுமார் ஓட்டி வந்த மோட்டார் சைக்கிள், எதிர்பாராதவிதமாக அப்துல் மன்னன் மோட்டார் சைக்கிள் மீது மோதியது. இதில் படுகாயமடைந்த விஜயகுமார் சம்பவ இடத்திலேயே பரிதாபமாக இறந்தார்.