கொங்கு மண்டலத்தின் கீழ் உள்ள 7 மாவட்ட மக்களுக்கு பயனளித்து வருகிறது கோவை சர்வதேச விமான நிலையம். கொரோனா தொற்று பரவலுக்கு பின் கோவை விமான நிலையத்தில் தினமும் இயக்கப்படும் விமானங்களின் எண்ணிக்கை கணிசமாக குறைந்தது. தொற்று பரவலுக்கு முன் தினமும் 33 முதல் 35 விமானங்கள் வரை இயக்கப்பட்டு வந்த நிலையில் அதன்பின்னர் மே மாதம் தினமும் 5 விமானங்கள் மட்டுமே இயக்கப்பட்டது.

ஜூன் மாதத்திற்கு பிறகு அரசு அறிவித்த தளர்வுகள், அதிக மக்கள் தொடர்ந்து தடுப்பூசி செலுத்தி கொண்டது என்பது உள்ளிட்ட பல்வேறு காரணங்களால் தினமும் இயக்கப்படும் விமானங்கள் எண்ணிக்கை படிப்படியாக அதிகரித்தது. இந்த மாதம் அக்டோபர் 16 முதல் அக்டோபர் 23 வரை தினமும் இயக்கப்படும் விமானங்கள் எண்ணிக்கை 20 ஆக அதிகரித்துள்ளது.