சின்னசேலம் அடுத்த கனியாமூர் சக்தி மெட்ரிக் மேல்நிலைப்பள்ளி பிளஸ்-2 மாணவி ஸ்ரீமதி கடந்த 13-ந்தேதி மர்மமான முறையில் உயிரிழந்தார். இவரது இறப்புக்கு நீதிக்கேட்டு பல்வேறு அமைப்பினர் நடத்திய போராட்டம் கலவரத்தில் முடிந்தது. இதில் பள்ளியில் இருந்த பஸ் உள்ளிட்ட வாகனங்கள், போலீசாருக்கு சொந்தமான வாகனங்கள் என்று மொத்தம் 60-க்கும் மேற்பட்ட வாகனங்கள் தீ வைத்து கொளுத்தப்பட்டது. மேலும் பள்ளி கட்டிடத்துக்கு சீல் வைத்தனர்.

மாணவியின் மரணம் தொடர்பாக விசாரணை நடந்து வரும் நிலையில், கலவரத்துக்கு காரணமானவர்களை அடையாளம் கண்டு கைது செய்யும் நடவடிக்கையில் போலீசார் தீவிரமாக ஈடுபட்டுள்ளனர்.