தேவகோட்டை ராம்நகர் பகுதி தாணிச்சாவூரணியை சேர்ந்த பொதுமக்கள் சிவகங்கை கலெக்டர் அலுவலகத்தில் நடைபெற்ற மக்கள் குறைதீர் கூட்டத்தில் கலெக்டர் ஆஷாஅஜீத்திடம் மனு அளித்தனர். அந்த மனுவில் கூறியிருந்ததாவது, தாணிச்சாவூரணி பகுதியில் நூற்றுக்கணக்கான வீடுகள் உள்ளன. மேலும் பள்ளிகள், வழிபாட்டு தலங்களும், பஸ் நிலையம் மற்றும் போலீஸ் நிலையமும் அமைந்துள்ளது. ராம்நகர்-தாணிச்சாவூரணி சாலையில் வேலைக்கு செல்லும் பெண்கள், கல்லூரி மாணவ, மாணவிகள் ஏராளமானோர் சென்று வருகின்றனர்.