கிருஷ்ணகிரி அருகே கோடிப்பள்ளி பக்கமுள்ள சீலேப்பள்ளி கிராமத்தை சேர்ந்தவர் பாண்டியன். தொழிலாளி. இவரது மகள் லாவண்யா (வயது 18). தந்தை இறந்து விட்டதால் தாயார் முனிலட்சுமியின் பராமரிப்பில் சிறுமி இருந்தாள். நேற்று முன்தினம் சிறுமி துணி துவைப்பதற்காக மலைச்சந்து பகுதியில் உள்ள கரடிமலை ஏரிக்கு சென்றாள்.

அங்கு துணிகளை துவைத்து கொண்டிருந்த போது எதிர்பாராதவிதமாக ஏரியில் தவறி விழுந்து தண்ணீரில் தத்தளித்தார். அவரது அலறல் சத்தம் கேட்டு அக்கம் பக்கத்தினர் விரைந்து வந்தனர். அதற்குள் லாவண்யா ஏரியில் மூழ்கி பரிதாபமாக இறந்தாள். இது குறித்து கிருஷ்ணகிரி தாலுகா போலீசுக்கு தகவல் தெரிவிக்கப்பட்டது.