கொரோனா தொற்று காரணமாக உலகமே கடும் பொருளாதார வீழ்ச்சியை சந்தித்து உள்ளது. மராட்டிய அரசும் அதிக கடன் சுமையையும், வரி வருவாய் இழப்பையும் சந்தித்தது. இந்தநிலையில் கடந்த 1-ந் தேதி மாநில பட்ஜெட் கூட்டத்தொடர் தொடங்கியது.

இதில் மராட்டியத்தை பொறுத்தவரை நடப்பாண்டில் பொருளாதார வளர்ச்சி மைனஸ் 8 சதவீதமாக இருக்கும் என மாநில அரசின் பொருளாதார ஆய்வறிக்கையில் கூறப்பட்டுள்ளது. இந்தநிலையில் இன்று (8-ந் தேதி) காலை 2021-22-ம் ஆண்டுக்கான மராட்டிய பட்ஜெட் தாக்கல் செய்யப்படுகிறது. துணை முதல்-மந்திரியும், நிதி மந்திரியுமான அஜித்பவார் பட்ஜெட்டை தாக்கல் செய்கிறார்.