விருதுநகர் மாவட்டம் சாத்தூர் அருகே உள்ள மேட்டமலை அம்பேத்கர் காலனியை சேர்ந்தவர் பாலசுப்பிரமணியன் மகன் மகேஸ்வரன் (வயது 25). இவரது மனைவி ராமலட்சுமி (24). இந்தநிலையில் கடந்த ஒரு மாதமாக மகேஸ்வரன் வேலைக்கு செல்லாமல் இருந்து வந்துள்ளார். இதனை ராமலட்சுமி கண்டித்ததாக கூறப்படுகிறது.

சம்பவத்தன்று ராமலட்சுமி வழக்கம் போல் வேலைக்கு சென்றுவிட்டு மாலையில் வீடு திரும்பி உள்ளார். அப்போது வீடு உள்பக்கமாக பூட்டப்பட்டிருந்தது. இதனால் சந்தேகம் அடைந்த அவர் கதவை உடைத்து உள்ளே சென்று பார்த்தபோது அங்கு மகேஸ்வரன் சேலையால் தூக்கில் தொங்கியபடி இருந்துள்ளார்.