கலை நிகழ்ச்சிகள்

கீழடி, கொந்தகை அகழாய்வு தளங்களை பார்வையிட மதுரை, சிவகங்கை, விருதுநகர், ராமநாதபுரம், திண்டுக்கல், தேனி, திருச்சி உள்பட பல மாவட்டங்களில் இருந்து பொதுமக்கள் ஏராளமானோர் இருந்தனர். கீழடி சாலையிலிருந்து அகழாய்வு பணிகள் நடைபெறும் இடம் வரை பார்வையாளர்கள் வந்திருந்த இருசக்கர வாகனங்கள், நான்கு சக்கர வாகனங்கள் அணிவகுத்து நின்றிருந்தன. திருமங்கலம் அருகே கள்ளிக்குடியில் உள்ள அரசு ஆரம்ப தொடக்கப்பள்ளியில் 4-ம் வகுப்பு படிக்கும் மாணவி முத்துலெட்சுமியின் கரகாட்டம் சிறப்பாக இருந்தது. அதேபோல் மதுரையைச் சேர்ந்த ஆண்ட்ரூஸ் பல்வேறு இசைக்கருவிகளை வாசித்து காட்டினார்.

மதுரை-பரமக்குடி நான்கு வழி சாலையில் இருந்து கீழடி அகழாய்வு நடைபெறும் இடம் வரை சுமார் 2 கிலோ மீட்டர் நீளத்திற்கு தென் தமிழக சுற்றுலா முகவர் சங்கத்தினர் கீழடிக்கு வாங்க என வழி நெடுக பேனர்கள் வைத்து இருந்தது குறிப்பிடத்தக்கதாகும். பார்வையாளர்களில் சிலர் நெடுந்தொலைவில் இருந்து வந்துள்ளோம். கண்டுபிடித்த பொருட்கள் குறைவாகவே இருந்தது. இன்னும் அதிகம் வைத்திருந்தால் மிகவும் சந்தோசமாக இருந்திருக்கும் என்றனர்.