இந்த நிலையில், இந்த தாக்குதலுக்கு ஐ.எஸ். தீவிரவாத அமைப்பு இன்று பொறுப்பேற்று உள்ளது. இதுபற்றி அந்த அமைப்பு வெளியிட்டுள்ள அறிவிப்பு ஒன்றில், பல தெய்வங்களை வழிபடும் குழு ஒன்றை நாங்கள் குறிவைத்தோம் என தெரிவித்துள்ளது.

பழமைவாதம் நிறைந்த முஸ்லிம் நாடான ஆப்கானிஸ்தானில் வசித்து வரும் சீக்கியர்கள் மற்றும் இந்துக்கள் வேற்றுமையை எதிர்கொள்ள வேண்டியுள்ளது. கடந்த காலங்களில் இஸ்லாமிய தீவிரவாதிகளால் அவர்கள் தாக்குதலுக்கு இலக்காகியுள்ளனர். கடந்த 1970ம் ஆண்டுகளில் 80 ஆயிரம் என்ற அளவில் இவர்களின் எண்ணிக்கை இருந்துள்ளது. ஆனால் அவர்கள் தற்பொழுது 1,000 என்ற அளவிலேயே உள்ளனர்.