திருப்பதி திருமலையில் உள்ள ஏழுமலையான் கோவிலில் 10-ம் தேதி வைகுண்ட ஏகாதசி விழா வெகுவிமரிசையாக கொண்டாடப்படுகிறது. விழாவையொட்டி கோவில் வளாகம் முழுவதையும் சுத்தம் செய்யும் ஆழ்வார் திருமஞ்சனம் இன்று நடைபெற்றது.

திருமலையின் உபகோவில்கள், கோவிலுக்குள் உள்ள பூஜைப் பாத்திரங்கள், கருவறையின் கூரைகள், தூண்கள், சுவர்கள் உட்பட முழு கோவில் வளாகமும் பரிமளம் என்ற நறுமண கலவை பூசப்பட்டு சுத்தம் செய்யப்பட்டது. சுத்தம் செய்யும் பணி முடிந்தபிறகே பக்தர்கள் தரிசனத்திற்கு அனுமதிக்கப்பட்டனர்.