காபூல்,

ஆப்கானிஸ்தான் கிரிக்கெட் அணியின் கேப்டனாக இருந்த சுழற்பந்து வீச்சாளர் ரஷித்கான் நேற்று நீக்கப்பட்டார். அவருக்கு பதிலாக உலக கோப்பை கிரிக்கெட் போட்டிக்கு 2 மாதத்திற்கு முன்பாக கேப்டன் பதவியில் இருந்து கழற்றிவிடப்பட்ட அஸ்ஹார் ஆப்கன் மீண்டும் கேப்டனாக நியமிக்கப்பட்டுள்ளார். கேப்டன்ஷிப்பில் கடந்த 7 மாதங்களில் நிகழ்ந்த 3-வது மாற்றம் இதுவாகும். துணை கேப்டனாக ரஷித்கான் பணியாற்றுவார் என்று அறிவிக்கப்பட்டுள்ளது.

31 வயதான அஸ்ஹார் ஆப்கன் ஆப்கானிஸ்தான் அணிக் காக 111 ஒரு நாள் போட்டி, 66 இருபது ஓவர் ஆட்டம் மற்றும் 4 டெஸ்டுகளில் விளையாடி இருக்கிறார்.