கடந்த 1-ம் தேதி அமெரிக்கா மற்றும் வெஸ்ட் இண்டீசில் தொடங்கிய 9-வது டி20 உலகக்கோப்பை கிரிக்கெட் தொடர் இன்றுடன் நிறைவடைய உள்ளது. ஏறத்தாழ ஒரு மாத காலமாக ரசிகர்களை மகிழ்வித்து வந்த இந்த தொடரின் இறுதிப்போட்டியில் இந்தியா - தென் ஆப்பிரிக்கா அணிகள் பலப்பரீட்சை நடத்துகின்றன.

இந்நிலையில் இந்த தொடரில் சிறப்பாக செயல்பட்ட சிறந்த வீரர்களை கொண்ட தங்களுடைய கனவு லெவன் அணியை ஆஸ்திரேலிய வாரியம் வெளியிட்டுள்ளது. அதில் இந்திய அணியின் கேப்டனான ரோகித் சர்மாவை தொடக்க ஆட்டக்காரராக மட்டுமே தேர்வு செய்துள்ளது. மாறாக ஆப்கானிஸ்தான் அணியின் கேப்டனான ரஷீத் கானை தங்களுடைய கனவு அணியின் தலைவராக நியமித்துள்ளது.