பாகு,
16-வது ஐரோப்பிய கால்பந்து தொடர் (யூரோ) இறுதிகட்டத்தை நெருங்கிவிட்டது. பாகு நகரில் நேற்று நடந்த 3-வது காலிறுதியில் டென்மார்க்- செக் குடியரசு அணிகள் சந்தித்தன. இதில், 2-1 என்ற கோல் கணக்கில் செக் குடியரசை வீழ்த்தி டென்மார்க் அரையிறுதிக்குள் நுழைந்தது.
இன்று அதிகாலை நடந்த மற்றொரு போட்டியில் இங்கிலாந்து, உக்ரைன் அணிகள் மோதின. தொடக்கத்தில் இருந்தே இங்கிலாந்து வீரர்கள் சிறப்பாக ஆடினர். முதல் பாதி முடிவில் இங்கிலாந்து 1-0 என முன்னிலை வகித்தது.
இரண்டாவது பாதியில் அதிரடியாக ஆடிய இங்கிலாந்து மேலும் 3 கோல்கள் அடித்து அசத்தியது. உக்ரைன் அணியினரால் பதிலுக்கு ஒரு கோல் கூட அடிக்க முடியவில்லை. இறுதியில், இங்கிலாந்து 4-0 என்ற கோல் கணக்கில் உக்ரைனை வீழ்த்தி அரையிறுதியில் நுழைந்துள்ளது.