பெண்களுக்கான உலகக் கோப்பை ஸ்னூக்கர் போட்டி தாய்லாந்து தலைநகர் பாங்காக்கில் நடந்தது. இதன் இறுதி ஆட்டத்தில் இந்திய 'ஏ' அணி வீராங்கனைகள் அனுபமா ராமச்சந்திரன்- அமீ கமானி ஜோடி 4-3 என்ற பிரேம் கணக்கில் இங்கிலாந்தின் ரியான்னே இவான்ஸ்- ரெபக்கா கென்னா இணைக்கு அதிர்ச்சி அளித்து, தங்கப்பதக்கத்தை கைப்பற்றியது.

இதில் அனுபமா தமிழகத்தை சேர்ந்தவர். சென்னையில் உள்ள சலீம் ஸ்னூக்கர் அகாடமியில் பயிற்சி பெற்று வருகிறார். அமீ கமானி மத்திய பிரதேசத்தை சேர்ந்தவர். அவர்கள் கூறும் போது 'வெற்றி பெற்று தேசத்துக்கு பெருமை சேர்த்திருப்பது மகிழ்ச்சி அளிக்கிறது' என்றனர்.