ரோமானியா
டிரான்சில்வேனியா ஓபன் டென்னிஸ் தொடரின் இறுதி போட்டியில் முதல் நிலை வீராங்கனையான ரோமானியாவின் சிமோனா ஹாலெப்பை வீழ்த்தி பட்டம் வென்றுள்ளார் எஸ்தோனியாவின் அனெட் கொன்டாவீட்.
டிரான்சில்வேனியா ஓபன் டென்னிஸ் தொடர் ரோமானியாவில் கடந்த மாதம் 23 ஆம் தேதி தொடங்கியது. இதன் இறுதி போட்டி நேற்று நடைபெற்றது. இதில் முதல் நிலை வீராங்கனையான ரோமானியாவின் சிமோனா ஹாலெப் எஸ்தோனியாவின் அனெட் கொன்டாவீட் பலப்பரீட்சை நடத்தினர்.
ஆரம்பம் முதலே ஆதிக்கம் செலுத்திய அனெட் கொன்டாவீட் சிமோனா ஹாலெபிற்கு கடும் சவால் அளித்தார். தொடர் முழுவதும் மிக சிறப்பாக விளையாடிய அனெட் இறுதி போட்டியிலும் 6-2 6-3 என்ற நேர் செட் கணக்கில் சிமோனா ஹாலெப்பை வீழ்த்தி பட்டம் வென்றார்.
இந்த வருடத்தில் மட்டும் அனெட் கொன்டாவீட் வெல்லும் 4 வது டென்னிஸ் பட்டம் இதுவாகும்.மேலும் அனெட் தான் கடைசியாக விளையாடிய 28 போட்டிகளில் 26 போட்டிகளில் வென்றுள்ளது குறிப்பிடத்தக்கது