மலேசிய ஓபன் சர்வதேச பேட்மிண்டன் போட்டி கோலாலம்பூரில் நடந்து வருகிறது. இதில் நேற்று நடந்த ஆண்கள் ஒற்றையர் கால்இறுதியில் இந்திய வீரர் எச்.எஸ். பிரனாய் 16-21, 21-19, 10-21 என்ற செட் கணக்கில் உலக தரவரிசையில் 7-வது இடம் வகிக்கும் ஜப்பானின் கோடாய் நராகாவிடம் போராடி தோல்வி அடைந்தார். இந்த ஆட்டம் 84 நிமிடங்கள் நீடித்தது.

நராகாவுக்கு எதிராக 3-வது முறையாக மோதிய பிரனாய் அனைத்திலும் தோல்வி கண்டிருப்பது குறிப்பிடத்தக்கது. இதன் மூலம் இந்த போட்டியில் ஒற்றையர் பிரிவில் இந்தியாவின் சவால் முடிவுக்கு வந்தது. ஏற்கனவே சிந்து, சாய்னா நேவால், ஸ்ரீகாந்த் உள்ளிட்ட இந்தியர்கள் முதல் சுற்றுடன் நடையை கட்டி விட்டனர்.