குவாடலஜரா,
டாப்-8 வீராங்கனைகள் மட்டும் பங்கேற்றுள்ள டபிள்யூ.டி.ஏ. இறுதி சுற்று என்று அழைக்கப்படும் உலக பெண்கள் டென்னிஸ் சாம்பியன்ஷிப் போட்டி மெக்சிகோவில் உள்ள குவாடலஜரா நகரில் நடந்து வருகிறது.
8 வீராங்கனைகள் 2 பிரிவாக பிரிக்கப்பட்டு லீக் சுற்றில் மோதுகிறார்கள். லீக் முடிவில் ஒவ்வொரு பிரிவிலும் முதல் இரு இடங்களை பிடிப்பவர்கள் அரைஇறுதிக்கு முன்னேறுவார்கள்.
இந்த நிலையில், நேற்று முன்தினம் இரவு நடந்த ஆட்டத்தில் முன்னாள் நம்பர் ஒன் வீராங்கனையான ஸ்பெயினைச் சேர்ந்த கார்பின் முகுருஜா 6-4, 6-4 என்ற நேர் செட்டில் எஸ்தோனியாவைச் சேர்ந்த கோன்டாவெய்ட்டை வீழ்த்தி 2-வது வெற்றியோடு அரைஇறுதிக்கு முன்னேறினார்.