சென்னை,
தங்கம் விலை கடந்த சில நாட்களாக ஏற்ற, இறக்கத்துடன் காணப்படுகிறது. கடந்த மாதம் 25-ந்தேதி உயர்ந்த நிலையில், அதற்கு அடுத்த நாள் விலை குறைந்து, பின்னர் தொடர்ச்சியாக அதிகரித்து கொண்டே வந்தது.
இதில் நேற்று முன்தினம் ஒரே நாளில் கிராமுக்கு ரூ.380-ம், சவரனுக்கு ரூ.3 ஆயிரத்து 40-ம் அதிரடியாக உயர்ந்து இருந்தது. கடந்த சில நாட்களாக பெரிய அளவில் உயர்வு இல்லாமல் இருந்த நிலையில், நேற்று முன்தினம் அதிகரித்திருந்தது. இந்தநிலையில் நேற்று அதன் விலை அப்படியே மளமள வென சரிந்தது. நேற்று முன்தினம் ஒரு கிராம் ரூ.14 ஆயிரத்து 50-க்கும், ஒரு சவரன் ரூ. 1 லட்சத்து 12 ஆயிரத்து 400-க்கும் விற்கப்பட்டது. நேற்று காலை நேர நிலவரப்படி, கிராமுக்கு ரூ.100-ம், சவரனுக்கு ரூ.800-ம் குறைந்தது. பின்னர் மாலையில் கூடுதலாக கிராமுக்கு ரூ.200-ம், சவரனுக்கு ரூ.1,600-ம் சரிந்தது.
ஆக நேற்று மட்டும் மொத்தம் கிராமுக்கு ரூ.300-ம், சவரனுக்கு ரூ.2 ஆயிரத்து 400-ம் குறைந்து, ஒரு கிராம் ரூ.13 ஆயிரத்து 750-க்கும், ஒரு சவரன் ரூ.1 லட்சத்து 10 ஆயிரத் துக்கும் விற்பனை செய்யப்பட்டது.
வெள்ளி விலையும் நேற்று முன்தினம் உயர்ந்து இருந்த சூழலில், நேற்று விலை குறைந்திருந்தது. கிராமுக்கு ரூ.10-ம், கிலோவுக்கு ரூ.10 ஆயிரமும் சரிந்து, ஒரு கிராம் ரூ.255-க்கும், ஒரு கிலோ ரூ.2 லட்சத்து 55 ஆயிரத்துக்கும் விற்பனை ஆனது.
இந்நிலையில் இன்று தங்கம் விலை சற்று உயர்ந்துள்ளது. அதன்படி சென்னையில் ஆபரணத் தங்கத்தின் விலை சவரனுக்கு ரூ.800 உயர்ந்து, ஒரு சவரன் ரூ.1,10,800-க்கும், கிராமுக்கு ரூ.100 உயர்ந்து, ஒரு கிராம் ரூ.13,850-க்கும் விற்பனை செய்யப்படுகிறது.
வெள்ளி விலையை பொறுத்தவரையில், விலைமாற்றமின்றி நேற்றைய விலையிலே விற்பனை செய்யப்படுகிறது. இதன்படி வெள்ளி விலை ஒரு கிராம் ரூ.255-க்கும், ஒரு கிலோ ரூ.2 லட்சத்து 55 ஆயிரத்துக்கும் விற்பனை ஆகி வருகிறது.
03.04.2026 - ஒரு சவரன் - ரூ.1,10,800 (இன்று)
02.04.2026 - ஒரு சவரன் - ரூ.1,10,000 (நேற்று)
01.04.2026 - ஒரு சவரன் - ரூ.1,12,400
31.03.2026 - ஒரு சவரன் - ரூ.1,09,360
30.03.2026 - ஒரு சவரன் - ரூ.1,10,160
29.03.2026 - ஒரு சவரன் - ரூ.1,09,280