நேப்பியர்,
வங்காளதேச கிரிக்கெட் அணி நியூசிலாந்தில் சுற்றுப்பயணம் மேற்கொண்டு 3 ஒருநாள் மற்றும் 3 டி20 போட்டிகள் கொண்ட தொடரில் பங்கேற்று ஆடி வருகிறது. இதில் முதலில் நடைபெற்ற ஒருநாள் தொடரை நியூசிலாந்து அணி 2-1 என்ற கணக்கில் கைப்பற்றியது.
இதையடுத்து இவ்விரு அணிகள் இடையிலான டி20 தொடர் நாளை தொடங்குகிறது. இதில் முதலாவது டி 20 ஆட்டம் நேப்பியரில் நடைபெற உள்ளது. இந்திய நேரப்படி ஆட்டம் காலை 11.40 மணிக்கு தொடங்குகிறது.
ஒருநாள் தொடரில் அடைந்த தோல்விக்கு பழிதீர்க்க வங்காளதேச அணி கடுமையாக முயற்சிக்கும் என்பதால் நாளைய ஆட்டத்தில் பரபரப்புக்கு பஞ்சம் இருக்காது.
