பார்சிலோனா,
நடப்பு லா லிகா சாம்பியனான எப்சி பார்சிலோனா, தனது பட்டத்தை தக்கவைக்கும் பயணத்தை வெற்றியுடன் தொடங்கியுள்ளது.
லா லிகா தொடரில் பார்சிலோனா அணி தனது முதல் ஆட்டத்தில் எல்சே அணியை எதிர்கொண்டது.
இப்போட்டியில் ஆட்டம் தொடங்கியது முதலே பார்சிலோனா ஆதிக்கம் செலுத்தியது. 14-வது நிமிடத்தில் கிடைத்த பெனால்டி வாய்ப்பை ரபின்ஹா சிறப்பாக பயன்படுத்தி பார்சிலோனாவுக்கு முதல் கோலை பெற்றுத்தந்தார்.
முதல் பாதியின் கூடுதல் நேரமான 45+3-வது நிமிடத்தில் கரீம் அடேயெமி 2-வது கோலை அடித்தார். இதனால் முதல் பாதியின் முடிவில் பார்சிலோனா 2-0 என முன்னிலையில் இருந்தது.
2-வது பாதியிலும் பார்சிலோனாவின் ஆதிக்கம் தொடர்ந்தது. 67-வது நிமிடத்தில் ரபின்ஹா தனது 2-வது கோலை பதிவு செய்து அணியின் முன்னிலையை மேலும் அதிகரித்தார்.
இதனைத் தொடர்ந்து 71-வது நிமிடத்தில் பெர்மின் லோபஸ் கோல் அடித்தார். பின்னர் 79-வது நிமிடத்தில் மீண்டும் கோல் அடித்து அசத்திய அவர், பார்சிலோனாவின் கோல் எண்ணிக்கையை 5-க உயர்த்தினார்.
இறுதியில் எல்சே அணியை 5-0 என்ற கோல் கணக்கில் வீழ்த்திய பார்சிலோனா, லா லிகா பட்டத்தை தக்கவைக்கும் தனது பயணத்தை வெற்றியுடன் தொடங்கியுள்ளது.
