பார்சிலோனா,
ஸ்பெயின் நாட்டை சேர்ந்த முன்னணி கிளப் அணிகளுக்கு இடையிலான லா லிகா கால்பந்து போட்டி அங்குள்ள பல்வேறு நகரங்களில் நடந்து வருகிறது. 20 அணிகள் இடையிலான இந்த போட்டியில் நேற்று நடந்த ஆடம் ஒன்றில் முன்னாள் சாம்பியனான ரியல் மாட்ரிட் அணி 2-0 என்ற கோல் கணக்கில் அத்லெடிக் பில்பா அணியை தோற்கடித்து போட்டியை வெற்றியுடன் தொடங்கியது.
ரியல் மாட்ரிட் அணியில் ரோட்ரிகோ 28-வது நிமிடத்திலும், ஜூட் பெலிங்ஹாம் 36-வது நிமிடத்திலும் கோல் அடித்தனர். ரியல் மாட்ரிட் கிளப்பில் இணைந்த ஜூட் பெலிங்ஹாம் (இங்கிலாந்து) தனது அறிமுக போட்டியிலேயே கோலடித்து அசத்தினார். லாஸ் பால்மாஸ்-மல்லோர்கா அணிகள் இடையிலான மற்றொரு ஆட்டம் 1-1 என்ற கோல் கணக்கில் டிராவில் முடிந்தது.