தமிழ் சினிமாவின் முன்னணி நடிகர்களில் ஒருவர் கார்த்தி. இவரது நடிப்பில் சமீபத்தில் வெளியான படம் 'மெய்யழகன்'. இப்படம் நல்ல வரவேற்பை பெற்றது. அதனைத்தொடர்ந்து, பி.எஸ். மித்ரன் இயக்கத்தில் சர்தார் 2 என்ற திரைப்படத்தில் கார்த்தி நடித்து வருகிறார். மேலும் நலன் குமாரசாமி இயக்கத்தில் கார்த்தி தனது 26வது படமான வா வாத்தியார் என்ற படத்திலும் நடித்து வருகிறார். இப்படத்தில் நடிகர் கார்த்தி எம்.ஜி.ஆர் ரசிகனாக நடிக்கிறார். சூது கவ்வும் திரைப்படத்தின் மூலம் இயக்குநராக அறிமுகமான நலன் குமாரசாமி அப்படத்தின் மூலமாக தனி கவனம் பெற்றார். அதனைத் தொடர்ந்து அவர் இயக்கிய காதலும் கடந்து போகும் திரைப்படம் விமர்சன ரீதியாக வெற்றிபெற்றது குறிப்பிடத்தக்கது.