கிருஷ்ணா, கயல் சந்திரன் ஆகிய இருவரும் இணைந்து நடித்துள்ள கிரகணம் படத்தில், இளன் என்ற 21 வயது இளம் இயக்குனர் அறிமுகமாகிறார். கிரகணம் படத்தை பற்றி இவர் கூறுகிறார்:-

இந்த படத்தில் கிருஷ்ணா, கயல் சந்திரன் ஆகிய 2 கதாநாயகர்கள் இருக்கிறார்கள். நந்தினி என்ற புதுமுகம் கதாநாயகியாக நடித்துள்ளார். இவர்களுடன் கருணாஸ், ஜெயப்பிரகாஷ், கருணாகரன், கும்கி அஸ்வின் ஆகியோரும் நடித்துள்ளனர். 8 தோட்டாக்கள் படத்துக்கு இசையமைத்த சுந்தரமூர்த்தி இசையமைத்து இருக்கிறார். ஸ்ரீசரவணன் ஒளிப்பதிவு செய்துள்ளார். கே.ஆர்.பிலிம்ஸ் சரவணன் தயாரித்து இருக்கிறார்.

2 கதாநாயகர்களும், கதாநாயகியும் ஒரு மணி நேரத்தில், தங்கள் வாழ்க்கையில் சந்திக்கும் பிரச்சினைகள்தான் படத்தின் கதை. திகில் படம் என்பதால் இரவு நேரத்தில் மட்டுமே படப்பிடிப்பு நடத்தப்பட்டது. அதுவும் நள்ளிரவு 12 மணிக்கு தொடங்கி அதிகாலை 5 மணி வரை படப்பிடிப்பு நடைபெற்றது. 35 நாட்களில் படப்பிடிப்பை நடத்தி முடித்து விட்டோம்.

படத்தில் 2 கதாநாயகர்கள் இருந்தாலும், ஒருவரையொருவர் சந்தித்துக் கொள்ளும் காட்சிகள் இல்லை.