அதே போல வரலட்சுமி விரதத்தையொட்டி நன்செய் இடையாறு ஸ்ரீ தேவி, பூதேவி சமேத சீனிவாச பெருமாள் கோவிலில் திருவிளக்கு பூஜை நடைபெற்றது. இதில் திரளான பக்தர்கள் கலந்து கொண்டனர். ஆடி வெள்ளி மற்றும் வரலட்சுமி விரதத்தையொட்டி ராசிபுரம் நித்திய சுமங்கலி மாரியம்மன் கோவிலில் அம்மன் ஆயிரம் கண் உடையாள் அலங்காரத்தில் பக்தர்களுக்கு அருள்பாலித்தார். இதில் ஏராளமான பெண்கள் கலந்து கொண்டு அம்மனை தரிசித்தனர். ராசிபுரம் புதுப்பாளையம் ரோட்டில் உள்ள எல்லை மாரியம்மன் 10,001 வளையல்கள் அலங்காரத்தில் பக்தர்களுக்கு அருள்பாலித்தார்.

திருச்செங்கோடு பெரிய மாரியம்மன் கோவிலில் சாமிக்கு சிறப்பு பூஜை நடந்தது. தொடர்ந்து அம்மனுக்கு கூழ் படைத்து பக்தர்கள் வழிபட்டனர். மேலும், பெண்களுக்கு மஞ்சள் கயிறு, குங்குமம், வளையல் பிரசாதமாக வழங்கப்பட்டது. திருச்செங்கோடு ஐந்துரோடு அழகுமுத்து மாரியம்மன் கோவிலில் அம்மன் வளையல் அலங்காரத்திலும், சின்ன ஓங்காளியம்மன் கோவிலில் மஞ்சள் கயிறு அலங்காரத்திலும் சாமி பக்தர்களுக்கு அருள்பாலித்தார். இதே போல திருச்செங்கோடு நகரில் உள்ள அம்மன் கோவில்களிலும் சிறப்பு பூஜை நடந்தது. இதில் ஏராளமான பெண்கள் கலந்து கொண்டு சாமி தரிசனம் செய்தனர்.