மேல்மலையனூர் அருகே அவலூர்பேட்டையில் ஒழுங்கு முறை விற்பனைக்கூடம் உள்ளது. இங்கு சுற்றுப்புற பகுதிகளை சேர்ந்த விவசாயிகள் தங்கள் வயல்களில் விளைந்த தானியங் களை கொண்டு வந்து விற்று பலனடைகிறார்கள். நேற்று காலையில் விவசாயிகள் வழக்கம் போல் நெல் உள்ளிட்ட தானியங்களை விற்பனை செய்வதற்காக ஒழுங்கு முறை விற்பனைக்கூடத்துக்கு கொண்டு வந்திருந்தனர்.

அங்கு எடை போடுபவர்களிடம் விளைபொருட்களை எடை போடுமாறு கூறி உள்ளனர். ஆனால் அவர்கள் தங்களுக்கு நிர்ணயிக்கப்பட்ட கூலியை ஒழங்குமுறை விற்பனைக்கூட நிர்வாகத்தினர் தரவில்லை. ஆகையால் எடை போட மாட்டோம் எனக் கூறியுள்ளனர். இதனால் நீண்ட நேரம் காத்திருந்த விவசாயிகள் திடீரென அவலூர்பேட்டை-சேத்துப்பட்டு சாலையில் மறியலில் ஈடுபட்டனர்.