அதன்படி தற்போது 250 தடுப்பணைகள் கட்டப்பட்டு உள்ளன. இதில் உள்ள கற்கள் தண்ணீரில் அடித்து செல்லப்படுவதை தடுக்க அதன் மீது இரும்பினால் ஆன வலையும் அமைக்கப்பட்டு உள்ளது. இந்த தடுப்பணையின் அருகே மழைநீர் சேகரிப்பு கட்டமைப்பு வசதி போன்று 20 அடி ஆழத்தில் குழி தோண்டி அதனுள் மணல், கற்கள் போடப்பட்டு செறிவூட்டும் கிணறும் அமைக்கப்படுகிறது.

இதன் மூலம் ஓடையில் தண்ணீர் வரும்போது இந்த செறிவூட்டும் கிணற்றில் தண்ணீர் இறங்குவதால் பூமிக்குள் தண்ணீர் எளிதாக சென்று விடுகிறது. இதனால் நிலத்தடி நீர்மட்டமும் உயர வாய்ப்பாக அமைகிறது. அதன்படி கவுசிகா நதியில் மட்டும் 500க்கும் மேற்பட்ட தடுப் பணைகள் அமைத்து அதன் அருகே செறிவூட்டும் கிணறுகள் அமைக்கப்படுகிறது. இதற்கான பணிகள் அனைத்தும் வேகமாக நடந்து வருகிறது.

நொய்யல் ஆற்றின் கிளை ஓடைகளில் இதுபோன்று தடுப்பணை, செறிவூட்டும் கிணறுகள் அமைக்கப்பட்டு உள்ளதால் கோவையில் கணிசமான அளவுக்கு நிலத்தடி நீர்மட்டமும் உயர்ந்து இருக்கிறது. கடந்த சில நாட்களுக்கு முன்பு பெய்த மழை காரணமாக அனைத்து ஓடைகளிலும் தண்ணீர் சென்றது.

இதனால் இந்த ஓடைகளின் அருகில் இருக்கும் விவசாய நிலங்களில் குறைந்தது 50 அடிக்கு கீழ் தண்ணீர் இருக்கிறது. அனைத்து ஓடைகளிலும் தடுப்பணை, செறிவூட்டும் கிணறுகள் அமைத்து விட்டால் நிலத்தடி நீர்மட்டம் குறைய வாய்ப்பு இல்லை. அதற்கான பணிகள்தான் நடந்து வருகின்றன.

இவ்வாறு அவர் கூறினார்.