செங்கல்பட்டு மாவட்டம் மாமல்லபுரம் பேரூராட்சியில் 9-வது வார்டான அண்ணாநகர் பகுதியில் சுயேச்சையாக போட்டியிட்டு வெற்றி பெற்றவர் சிற்ப கலைஞர் பூபதி. இவர் நேற்று மாமல்லபுரம் நகர தி.மு.க. செயலாளர் விசுவநாதன் முன்னிலையில் தன்னை தி.மு.க.வில் இணைத்து கொண்டார். இதனால் மாமல்லபுரம் பேரூராட்சியில் 4 கவுன்சிலர்களாக இருந்த தி.மு.க. கவுன்சிலர்களின் எண்ணிக்கை தற்போது 5-ஆக அதிகரித்துள்ளது.