பெண்ணாடம் அடுத்த இறையூரில் தனியார் சர்க்கரை ஆலை இயங்கி வருகிறது. இந்த ஆலையில் பணியாற்றும் தொழிலாளர்களுக்கு கடந்த 3 மாதங்களாக ஆலை நிர்வாகம் ஊதியம் வழங்கவில்லை என தெரிகிறது. இதுகுறித்து ஆலை நிர்வாகத்திடம் பேச்சுவார்த்தை நடத்தியும் ஊதியம் வழங்கப்படவில்லை என தெரிகிறது.

இதனால் ஆத்திரமடைந்த தொழிலாளர்கள் கடந்த 23-ந்தேதி முதல் ஆலை வளாகத்தில் உள்ளிருப்பு போராட்டத்தில் ஈடுபட்டு வருகின்றனர். மேலும் அவர்கள் கடந்த 24-ந்தேதி ஆலை வளாகத்திலேயே சமையல் செய்தும் போராட்டத்தில் ஈடுபட்டனர். இருப்பினும் தொழிலாளர்களுடன் ஆலை நிர்வாகம் பேச்சுவார்த்தை நடத்தவில்லை.