காஞ்சீபுரம் மாவட்டம் செங்கல்பட்டை அடுத்த சேந்தமங்கலம் பிள்ளையார் கோவில் தெருவை சேர்ந்தவர் வாசுதேவன். இவரது மகன் ஹரிகரன் (வயது 28). திருமணமான இவர் சென்னை தனியார் நிறுவனத்தில் வேலை செய்து வந்தார். திருக்கழுக்குன்றம் பகுதியில் தனது உறவினர் இல்ல நிகழ்ச்சியில் கலந்துகொள்வதற்காக நேற்று முன்தினம் செங்கல்பட்டில் இருந்து திருக்கழுக்குன்றம் நோக்கி தனது மோட்டார் சைக்கிளில் சென்று கொண்டிருந்தார்.

அந்த மோட்டார் சைக்கிளில் அவரது உறவினர்களான சகோதரர்கள் திவாகர் (16) மற்றும் நித்திஷ் (14) ஆகியோரும் பயணம் செய்தனர். செங்கல்பட்டை கடந்து புல்லேரி கிராமம் வந்தபோது எதிரே திருக்கழுக்குன்றத்தை அடுத்த புலிக்குன்றம் பகுதியை சேர்ந்த தனியார் நிறுவனத்தில் வேலை செய்து வந்த பிரேம்குமார் (25) மோட்டார் சைக்கிளில் வந்துள்ளார். 2 மோட்டார் சைக்கிள் களும் வேகமாக மோதின.