பா.ஜனதா பொதுச் செயலாளர் ஷோபா எம்.பி. பெங்களூருவில் நேற்று நிருபர்களுக்கு அளித்த பேட்டியில் கூறியதாவது:

மைசூருவில் கன்னட இலக்கிய மாநாடு நடந்து முடிந்துள்ளது. இதில் மதசார்பற்ற கொள்கைகளை பின்பற்றுபவர்கள் என்று சொல்லிக் கொள்ளும் சிலர் மத்திய அரசையும், பிரதமர் மோடியையும் விமர்சனம் செய்ய அந்த மாநாட்டு மேடையை பயன்படுத்தி இருக்கிறார்கள். கர்நாடக அரசு திட்டமிட்டு இடதுசாரி சிந்தனையை ஊக்குவிக்கும் விதமாக கன்னட இலக்கிய மாநாடு நடத்தி முடித்துள்ளது.