வில்லியனூர்,
புதுவை மாநிலம் மங்கலம் தொகுதியில் நடந்து முடிந்த சட்டமன்ற தேர்தலில் என்.ஆர்.காங்கிரஸ் சார்பில் முன்னாள் அமைச்சர் தேனீ.ஜெயக்குமார் போட்டியிட்டு வெற்றி பெற்றார். அவருக்கு நேற்று பிறந்தநாள்.
இதையொட்டி வில்லியனூர், மங்கலம் தொகுதிகளில் தேனீ.ஜெயக்குமார் எம்.எல்.ஏ. பிறந்தநாள் கொண்டாடப்பட்டது. அவரை வாழ்த்தி என்.ஆர்.காங்கிரஸ் பிரமுகர்கள், ஆதரவாளர்கள் தொகுதி முழுவதும் பேனர்கள் வைத்திருந்தனர். மேலும் பொதுமக்களுக்கு இனிப்பு மற்றும் நலத்திட்ட உதவிகள் வழங்கி கொண்டாடினர்.
வில்லியனூர் மாவட்ட அலுவலகத்தில் என்.ஆர்.காங்கிரஸ் மாவட்ட தலைவர் பாலமுருகன் தலைமை யில் தேனீ.ஜெயக்குமார் எம்.எல்.ஏ. பிறந்தநாள் விழா கொரோனா தொற்று காரணமாக எளிமையான முறையில் கேக் வெட்டி கொண்டாடப்பட்டது. தொடர்ந்து பொதுமக்களுக்கு லட்டு வழங்கப்பட்டது. விழாவில் என்.ஆர்.காங்கிரஸ் பிரமுகர் தங்கராசு, மோகன்தாஸ் உள்பட பலர் கலந்துகொண்டனர்.
மங்கலம் தொகுதி கீழ்அக்ரகாரத்தில் என்.ஆர்.காங்கிரஸ் பிரமுகர்கள் செந்தில்குமார், செல்வம், சிவக்குமார் ஆகியோர் தலைமையில் நடந்த விழாவில் கேக் வெட்டி, பொதுமக்களுக்கு நலத்திட்ட உதவிகள் வழங்கப்பட்டது.
கோட்டைமேடு பகுதியில் என்.ஆர்.காங்கிரஸ் பிரமுகர்கள் சங்கர், பிரகாஷ், கார்த்தி ஆகியோர் தலைமையிலும், சிவராந்தகத்தில் பழனிநாதன் தலைமையிலும், மங்கலம் பேட் பகுதியில் அய்யப்பன் தலைமையிலும், ஆரிய பாளையத்தில் கவுதம், முருகன் ஆகியோர் தலைமையிலும் தேனீ.ஜெயக்குமார் எம்.எல்.ஏ. பிறந்தநாள் விழா சிறப்பாக கொண்டாடப்பட்டது. தேனீயார் பேரவை சார்பில் மங்கலம் தொகுதி முழுவதும் உள்ள வீடுகளுக்கு கேக் வழங்கப்பட்டது.