திருப்பூர் வடக்கு தொகுதி அ.தி.மு.க. வேட்பாளர் கே.என்.விஜயகுமார் எம்.எல்.ஏ. உச்சக்கட்ட பிரசாரத்தில் ஈடுபட்டு வருகிறார். இந்த நிலையில் கொங்குநகர் பகுதி 24-வது வார்டுக்குட்பட்ட பல்வேறு பகுதிகளில் வீதி, வீதியாக திறந்த வேனில் சென்று அ.தி.மு.க. அரசின் சாதனை திட்டங்களை விளக்கிக் கூறி இரட்டை இலை சின்னத்திற்கு வாக்கு சேகரித்தார். அப்போது அவர் கூறியதாவது:-

திருப்பூர், கோவை, ஈரோடு மாவட்ட மக்களின் பல்லாண்டு கோரிக்கையான அவினாசி அத்திக்கடவு திட்டத்தை தற்போதைய முதல்-அமைச்சர் எடப்பாடி பழனிசாமி நிறைவேற்றி உள்ளார். இதன் பயனாக வரும் தேர்தலில் கொங்கு மண்டலத்தில் உள்ள அனைத்து தொகுதிகளிலும் அ.தி.மு.க. மற்றும் கூட்டணி வேட்பாளர்கள் அதிகபடியாக வாக்குகள் வித்தியாசத்தில் வெற்றி பெறுவார்கள்.