இந்திய தோதல் ஆணைய உத்தரவின்படி, சுருக்க திருத்தம் முடித்து இறுதி வாக்காளர் பட்டியல் கடந்த ஜனவரி 20-ந்தேதி வெளியிடப்பட்டது. அதன் அடிப்படையில் காரைக்குடி சட்டமன்ற தொகுதியில் 1 லட்சத்து 54 ஆயிரத்து 905 ஆண் வாக்காளர்களும், 1 லட்சத்து 60 ஆயிரத்து 399 பெண் வாக்காளர்களும், 3-ம் பாலினத்தவர்கள் 47-ம் சேர்த்து மொத்தம் 3 லட்சத்து 15 ஆயிரத்து 351 வாக்காளர்கள் இருந்தனர்.

திருப்பத்தூர் சட்டமன்ற தொகுதியில் 1 லட்சத்து 42 ஆயிரத்து 327 ஆண் வாக்காளர்களும், 1 லட்சத்து 48 ஆயிரத்து 308 பெண் வாக்காளர்களும், 3-ம் பாலினத்தவர்கள் 12-ம் சேர்த்து மொத்தம் 2 லட்சத்து 90 ஆயிரத்து 647 வாக்காளர்கள் இருந்தனர்.

சிவகங்கை சட்டமன்ற தொகுதியில் 1 லட்சத்து 47 ஆயிரத்து 93 ஆண் வாக்காளர்களும், 1 லட்சத்து 52 ஆயிரத்து 21 பெண் வாக்காளர்களும், 3-ம் பாலினத்தவர்கள் 4 சேர்த்து 2 லட்சத்து 99 ஆயிரத்து 118 மொத்த வாக்காளர்கள் இருந்தனர்.

மானாமதுரை(தனி) சட்டமன்ற தொகுதியில் 1 லட்சத்து 36 ஆயிரத்து 397 ஆண் வாக்காளர்களும், 1 லட்சத்து 40 ஆயிரத்து 354 பெண் வாக்காளர்களும், 3-ம் பாலினத்தவர்கள் 10-ம் சேர்த்து மொத்தம் 2 லட்சத்து 76 ஆயிரத்து 761 வாக்காளர்கள் இருந்தனர்.

சிவகங்கை மாவட்டம் முழுவதும் 5 லட்சத்து 80 ஆயிரத்து 722 ஆண் வாக்காளர்களும், 6 லட்சத்து ஆயிரத்து 82 பெண் வாக்காளர்களும், 3-ம் பாலினத்தவர்கள் 73 சேர்த்து மொத்தம் 11 லட்சத்து 81 ஆயிரத்து 877 வாக்காளர்கள் இறுதி பட்டியலில் இடம் பெற்று இருந்தனர்.

துணை பட்டியல்

இதை தொடர்ந்து இந்திய தேர்தல் ஆணைய அறிவுரையின்படி புதிய வாக்காளர் சேர்ப்பு மற்றும் விடுபட்டவர்கள் பெயர் சேர்ப்பது குறித்து பெறப்பட்ட மனுக்கள் மீது மேற்கொள்ளப்பட்ட நடவடிக்கையின் அடிப்படையில் தற்போது இணைப்பு(துணை) வாக்காளர் பட்டியல்வெளியிடப்பட்டுள்ளது.

அதன் அடிப்படையில் சட்டசபை தொகுதி வாரியாக வாக்காளர்கள் விவரம் வருமாறு:-

காரைக்குடி சட்டமன்ற தொகுதியில் 780 ஆண் வாக்காளர்களும், 904 பெண் வாக்காளர்களும், 3-ம் பாலினத்தவர் 1-ம் சேர்த்து மொத்தம் 1,685 வாக்காளர்களும், திருப்பத்தூர் சட்டமன்ற தொகுதியில் 471 ஆண் வாக்காளர்களும், 556 பெண் வாக்காளர்களும் சேர்த்து மொத்தம் 1,027 வாக்காளர்களும், சிவகங்கை சட்டமன்ற தொகுதியில் 695 ஆண் வாக்காளர்களும், 820 பெண் வாக்காளர்களும் சேர்த்து மொத்தம் 1,515 வாக்காளர்களும், மானாமதுரை (தனி) சட்டமன்ற தொகுதியில் 429 ஆண் வாக்காளர்களும், 582 பெண் வாக்காளர்களும் சேர்த்து மொத்தம் 1,011 வாக்காளர்களும் உள்ளனர்.

5,238 புதிய வாக்காளர்கள்

தற்போது வெளியிடப்பட்ட இணைப்பு வாக்காளர் பட்டியிலின்படி மொத்தம் 5 ஆயிரத்து 238 பேர் புதிய வாக்காளர்களாக சேர்க்கப்பட்டுள்ளனர்.

குறிப்பாக ஜனவரி மாதம் 20-ந்தேதி அன்று வெளியிடப்பட்ட வாக்காளர் இறுதி பட்டியலில் நான்கு சட்டமன்ற தொகுதிகளுக்கும் சேர்த்து மொத்தம் வாக்காளர் 11 லட்சத்து 81 ஆயிரத்து 877 ஆகும். தற்போது வெளியிடப்பட்ட இணைப்பு பட்டியலில் உள்ள வாக்காளர்கள் 5 ஆயிரத்து 238 சேர்த்து மொத்தம் சிவகங்கை மாவட்டத்தில் நான்கு சட்டமன்ற தொகுதிகளிலும் வாக்காளர்களின் எண்ணிக்கை 11 லட்சத்து 87 ஆயிரத்து 115 ஆக உள்ளது.

இவ்வாறு அதில் அவர் கூறியுள்ளார்.