மகரவிளக்கையொட்டி சபரிமலையில் கூட்ட நெரிசலை கட்டுப்படுத்த காவல்துறையும், திருவிதாங்கூர் தேவஸ்தானமும் பல்வேறு கட்டுப்பாடுகளை விதித்துள்ளது. இதன் தொடர்ச்சியாக வருகிற 10-ந் தேதி முதல் 15-ந் தேதி வரை உடனடி முன்பதிவு ரத்து செய்யப்பட்டுள்ளது.

அதேபோல் 14-ந் தேதி 50 ஆயிரம் பக்தர்களுக்கும், 15-ந் தேதி 40 ஆயிரம் பக்தர்களுக்கும் மட்டுமே தரிசனத்திற்கான ஆன்லைன் முன்பதிவு வழங்கப்பட்டுள்ளது. மகரவிளக்கு சமயத்தில் சாமி தரிசனத்திற்கு வரும் பக்தர்கள் மகர ஜோதியை காண்பதற்காக மலைப்பகுதிகளில் கூடாரம் அமைத்து குழுக்கள், குழுக்களாக தங்கி இருப்பது வழக்கம். இவ்வாறு தங்கி இருப்பதால் மகரவிளக்கு அன்று சபரிமலையில் கூட்ட நெரிசல் ஏற்பட வாய்ப்பு உள்ளது.