திருவனந்தபுரம்,
கேரள கல்வித்துறை சார்பில் வெளியிடப்பட்டுள்ள செய்தி குறிப்பில் கூறப்பட்டுள்ளதாவது:-
கேரளாவில் எஸ்.எஸ்.எல்.சி. தேர்வுகள் நாளை (வியாழக்கிழமை) தொடங்குகிறது. தொடர்ந்து ஏப்ரல் 29-ந்தேதி வரை தேர்வுகள் நடைபெறுகிறது. எஸ்.எஸ்.எல்.சி.தேர்வு எழுத மொத்தம் 4 லட்சத்து 26 ஆயிரத்து 967 பேர் பதிவு செய்து உள்ளனர்.
கடந்த ஆண்டை விட 5080 பேர் கூடுதலாக தேர்வு எழுதுகிறார்கள். இந்த தேர்வானது 2962 மையங்களில் நடக்கிறது. அனைத்து தேர்வுகளும் காலை 9.45 மணி முதல் நடைபெறும். வளைகுடா நாடுகளில் 9 மையங்களில் 574 பேர் தேர்வு எழுதுகிறார்கள்.
அதேபோல், லட்சத்தீவில் 9 மையங்களில் 882 பேர் எஸ்.எஸ்.எல்.சி.தேர்வு எழுதுகிறார்கள். இதில், 2 லட்சத்து 18 ஆயிரத்து 903 பேர் ஆண்கள், 2 லட்சத்து 8 ஆயிரத்து 64 பேர் பெண்கள் ஆவர்.
இவ்வாறு அதில் கூறப்பட்டு உள்ளது.